जालन्यातून छत्रपती संभाजीनगरकडे दुचाकीस्वार जात असताना औद्योगिक वसाहतीजवळ हाॕटेल सनराईज समोर छत्रपती संभाजीनगरहून येत असलेला कंटनेर औद्योगिक वसाहतीत जाण्यासाठी वळत होता. तितक्यात भरधाव दुचाकी कंटेनेरवर धडकल्याने दोन जणांचा जागीच मृत्यू झाल्याची घटना 28 जानेवारी मंगळवार रोजी रात्री घडली.
बबन पठाडे (49) आणि बाळू गव्हाड (32) दोन्ही रा.कवडगाव ता. जि.संभाजीनगर अशी मृतांची नावे आहेत. घटनेची माहिती मिळताच चंदनझिरा पोलीस ठाण्याचे सहायक पोलीस निरीक्षक वेताळ आणि हेड काॕ. देशमुख हे घटनास्थळी दाखल झाले. पोलीसांनी घटनेचा पंचनामा करून मयतांना जालन्यातील घाटी रुग्णालयामध्ये हलविण्यात आले आहे.कंटनेरला पोलीसांनी चंदनझीरा पोलीस ठाण्यात लावले आहे.
