![pandharpur 3](https://www.saamana.com/wp-content/uploads/2024/07/pandharpur-3-696x447.jpg)
येत्या 17 जुलै रोजी होणाऱ्या आषाढी एकादशी सोहळ्यासाठी श्री विठुरायाची पंढरी नगरी नव्या नवरी प्रमाणे नटत आहे. श्री विठ्ठल रुक्मिणी मंदिरावर नेत्रदीपक अशी रंगीबेरंगी विद्युत रोषणाई केली असून मंदिर सप्तरंगात न्हाऊन निघाले आहे. मंदिराच्या सभामंडपात आकर्षक पडदे, झुंबरांची सजावट करण्यात आली आहे. वारीच्या सोहळ्यासाठी प्रमुख मानाच्या पालख्यासह विविध राज्यातून दींड्या आणि पालख्या पंढरीची वाट चालत आहे. या वारकरी भाविकांना मूलभूत सेवासुविधा पुरवण्यासाठी सोलापूर जिल्ह्यातील सर्व प्रशासकीय यंत्रणा जोमाने कामाला लागली आहे