कर्नाटक विधिमंडळाच्या हिवाळी अधिवेशनात अथणीचे आमदार लक्ष्मण सवदी यांनी मुंबईला केंद्रशासित करण्याबाबत वक्तव्य केलं आहे. याबाबत आदित्य ठाकरे यांनी ट्विट करत ” कोणताही पक्ष असो, मुंबईला महाराष्ट्रापासून तोडण्याची भाषा शिवसेना खपवून घेणार नाही, असा इशारा दिला आहे.
”मुंबई केंद्रशसित करण्याची मागणी निषेधार्ह आहे. काँग्रेस असो वा भाजप. कोणताही पक्ष असो. मुंबईला महाराष्ट्रापासून तोडण्याची भाषा शिवसेना अजिबात खपवून घेणार नाही. मुंबई ही आमची मायभूमी आहे. इथला प्रत्येक कण मराठी माणसानं आपलं रक्त सांडून मिळवला आहे. मुंबई आम्हाला कोणी आंदण दिलेली नाही. काँग्रेसच्या पक्षश्रेष्ठींनी आपल्या आमदारांना समज द्यावी”, असे आदित्य ठाकरे यांनी ट्विट केले आहे.
