राजधानी दिल्लीत वाढते प्रदूषण हा विषय नेहमी ऐरणीवर असतो. मात्र, गेल्या काही महिन्यांपासून मुंबईतही प्रदूषण वाढत आहे. तसेच हवेची गुणवत्ता ढासळत आहे. राज्यात हवेचा दर्जा खालावत असून वाढते प्रदूषण रोखण्यासाठी सरकार काय करत आहे किंवा काय उपाययोजना राबवण्यात येत आहेत, याची कोणतीही माहिती मिळत नाही. मुंबईकरांना काहीही दोष नसताना त्यांना प्रदूषित वातावरणात का राहवे लागत आहे. मुंबईकरांनी हा त्रास का सहन करावा ?असा सवालही शिवसेना (उद्धव बाळासाहेब ठाकरे) नेते, युवासेनाप्रमुख आदित्य ठाकरे यांनी केला. तसेच सरकारने प्रदूषण रोखण्यासाठी काय उपाययोजना केल्या, याची माहिती द्यावी, असेही आदित्य ठाकरे यांनी ठणकावले.
A blanket of smog and terrible air quality has taken over Mumbai again.
There’s absolutely no word from the State Government on its actions to save Mumbaikars from breathing terrible air.Ideally, the Mumbai Climate Action plan, made by us, should be activated by the state…
— Aaditya Thackeray (@AUThackeray) January 28, 2025
याबाबत एक्सवर केलेल्या पोस्टमध्ये आदित्य ठाकरे यांनी म्हटले आहे की, मुंबईवर पुन्हा एकदा धुक्याची चादर पसरली आहे. तसेच हवेची गुणवत्ता मोठ्या प्रमाणात ढासळली आहे. मुंबईकरांची या वायूप्रदूषणातून आणि ढासळलेल्या हवेच्या गुणवत्तेतून वाचवण्यासाठी राज्य सरकारकडून केलेल्या कृतींबद्दल काहीही सांगितले जात नाही. आम्ही बनवलेला मुंबई हवामान कृती आराखडा राज्य सरकारने अंमलात आणण्याची मागणीही त्यांनी केली. प्रदूषण रोखण्यासाठी वाढत्या बांधकामांबाबत योग्य निर्णय घेण्याची गरज आहे. मुंबईत वाढत्या बांधकामांमुळे हवेची गुणवत्ता ढासळत आहे. त्यामुळे मुंबईकरांनी खोकला, घशाची जळजळ, श्वसनासह अनेक आजारांचा समाना करावा लागत आहे. सरकारने मुंबईकरांना माहिती दिली पाहिजे की, मुंबईकरांना या प्रूदूषित हवेचा सामना का करावा लागत आहे, असेही आदित्य यांनी सरकारला ठणकावले.
