विशाखापट्टणम येथील एका कॉलेजचा व्हिडीओ व्हायरल होत आहे. यामध्ये एक विद्यार्थिनी एका प्राध्यापिकेला मारहाण करताना दिसत आहे. एवढेच नाही तर विद्यार्थिनीने शिक्षिकेला घाबरवण्यासाठी प्रथम तिची चप्पल काढली आणि नंतर त्याच चप्पलने शिक्षिकेला मारायला सुरुवात केली.
हे प्रकरण दमक्कीजवळील रघु अभियांत्रिकी महाविद्यालयातील आहे. गुरुगुबेली वेंकटलक्ष्मी ही विद्यार्थिनी इलेक्ट्रॉनिक्स आणि कम्युनिकेशन्सच्या दुसऱया वर्षात शिक्षण घेत आहे. ती वर्गात मोबाईलवर मोठ्याने बोलत होती. यावर कॉलेजच्या एका शिक्षिकेने तिचा मोबाईल काढून घेतला, ज्यामुळे ती संतापली. तिने सर्वांसमोर आधी शिक्षिकेशी वाद घातला आणि त्यांना फोन परत करण्यास सांगितले. मग तिने त्यांना धमकावण्यासाठी आपली चप्पल काढली.
जेव्हा शिक्षिकेवर काहीही परिणाम झाला नाही, तेव्हा विद्यार्थिनीने त्यांच्यावर चप्पलने हल्ला करायला सुरुवात केली. शिक्षिकेनेही प्रत्युत्तरादाखल विद्यार्थिनीला थप्पड मारली. या घटनेनंतर महाविद्यालयाने गुरुगुबेलीला तत्काळ निलंबित केले. तसे चौकशी समिती गठीत केली.
