नागपूर मुंबई समृद्धी महामार्गावर आज सकाळी अंदाजे 6 चे दरम्यान मेहकर जवळ चॅनल 299 वर चालकाला झोप लागल्याने भरधाव आर्टिगा कठड्यावर धडकून 2 ठार तर 3 जखमी झाले आहेत.
ठाणे येथील एका शोरूम मध्ये काम करीत असलेले 5 जण ठाणे वरून बिहारला जात होते. नवी आर्टिगा (क्र. एम. एच.4 एम. एच.8808) ने हे 5 जण जात होते. आज पहाटे अंदाजे ६ चे दरम्यान चॅनल क्रमांक 299 वर मेहकर जवळ शिवणीपिसा ते धानोरा च्या दरम्यान सीता न्हाणी नदीवरील कठड्यावर चालकाला झोप आल्याने ही चारचाकी जोरदार धडकली. या अपघातात बिहार मधील विकासकुमार (32, रा. ओरमा) व गुड्डू कुमार (35, रा. मोतीहारी) हे जागीच ठार झाले तर नीतीशकुमार (रा. महुवारी), मनिष कुमार (रा. ओश्वा) हे जखमी झाले. जखमींवर मेहकर येथील सहयोग रूग्णालयात उपचार सुरू आहेत. तर प्रदीप सुरेश चव्हाण (रा. ठाणे) हा किरकोळ जखमी आहे. वृत्त लिहीपर्यंत गुन्हा नोंदविणे सुरू असून मेहकर पोलीस तपास करीत आहेत.
