गुगल आता आपले डोमेन बदलणार आहे. जगभरातील युजर्सना हा बदल पाहायला मिळणार आहे. विविध देशांनुसार गुगलचे वेगवेगळे डोमेन होते, ते आता एकच केले जाणार आहे. नवीन बदलानुसार गुगल कंट्री कोड हटविणार आहे. हिंदुस्थानात गुगल डॉट को. डॉट इन, तर फ्रान्समध्ये गुगल डॉट फ्रा असे ब्राऊझरच्या अॅड्रेसबारमध्ये दिसायचे. ते आता थेट गुगल डॉट कॉम असे होणार आहे.
गेल्या अनेक वर्षांपासून गुगलकडून या लोकल डोमेनचा वापर केला जात होता. युजर कोणत्याही देशातून वापर करत असला तरी गुगल त्यांना त्यांच्या देशासह जगभरातील साईट्स, डेटा दाखवत होते. 2017 पासून ही सुविधा सुरू झाली होती. ती आता बंद करण्यात येत आहे. यासाठी काही महिने लागू शकतात. अपडेट लवकरच सर्व युजरपर्यंत पोहोचणार आहे. यानंतर तुम्ही कोणत्याही देशाची गुगल लिंक टाकलीत तरी ती आपोआप गुगल डॉट कॉमवर रिडायरेक्ट केली जाणार आहे.
