अमेरिकेचे राष्ट्राध्यक्ष डोनाल्ड ट्रम्प यांच्या आदेशाने हिंदुस्थानी वंशाच्या नासातील महिला अधिकारी नीला राजेंद्र यांना नोकरीवरून काढून टाकले आहे. नीला राजेंद्र या अमेरिकेची अंतराळ संस्था नासामध्ये मोठय़ा पदावर कार्यरत होत्या. ट्रम्प यांनी डायव्हर्सिटी प्रोग्राम बंद करण्याचे आदेश दिल्यानंतर नासाने हे पाऊल उचलले आहे. नासाच्या जेट प्रोपल्शन लॅबोरेटरीने (जेपीएल) ई-मेल पाठवून नीला यांना कामावरून काढून टाकल्याची माहिती कर्मचाऱ्यांना दिली. नीला या डायव्हर्सिटी, इक्विटी आणि इन्क्लुशनच्या अध्यक्षपदी होत्या.
