पुण्यातील दीनानाथ मंगेशकर रुग्णालय कोण चालवत आहे आणि हे रुग्णालय चालवणारे इतके प्रभावी का आहेत की मुख्यमंत्र्यांना त्यांचा बचाव करावा लागतो?, असा खरमरीत सवाल शिवसेना नेते, युवासेना प्रमुख आदित्य ठाकरे यांनी आज केला.
‘ज्या रुग्णालयाने प्रसूतीसाठी एका महिलेकडून 10 लाख रुपये मागितले होते त्या दीनानाथ मंगेशकर रुग्णालयाच्या ट्रस्ट आणि संस्थेविरोधात मुख्यमंत्री देवेंद्र फडणवीस कारवाई करतील का याकडे सर्वांचे लक्ष आहे, असेही नमूद करत आदित्य ठाकरे यांनी ‘एक्स’ पोस्टच्या माध्यमातून प्रश्नांचा भडिमार केला. ‘गर्भवती महिलेचे नातेवाईक रुग्णालयाने मागितलेली खंडणी (अनामत रक्कम) देण्यास असमर्थ ठरल्याने तिचा मृत्यू झाला. पण प्रश्न असे आहेत की, अनामत रक्कम मागितल्याचा अंतर्गत समितीने आरोप फेटाळला तरी काल एका डॉक्टरने कबूल केले आणि पदाचा राजीनामा दिला. रुग्णाला न वाचवता स्वतŠचा बचाव करण्याकरिता वेगवेगळ्या गोष्टी रचणाऱया रुग्णालयावर पुणेकर विश्वास कसा ठेवू शकतात?, असा प्रश्न आदित्य ठाकरे यांनी विचारला.
जर रुग्णालय खंडणीची मागणी करत असेल तर रुग्णालयाच्या कर आणि महापालिकेच्या देयकांचे काय? ते कोटय़वधींमध्ये आहे! हे रुग्णालय चालवणाऱया ट्रस्टी आणि एजन्सींचे दरवाजे या यंत्रणा ठोठावतील का? असा सवालही आदित्य ठाकरे यांनी केला.
