गृहकर्जासाठी एनओसी मिळवताना म्हाडा लॉटरीतील विजेत्यांना वारंवार मुख्यालयाच्या चकरा माराव्या लागतात. त्यामुळे विजेत्यांकडून नाराजी व्यक्त होत होती. मात्र, सोमवारपासून विजेत्यांना तत्काळ एनओसी मिळणार असून विजेत्यांची होणारी धावपळ थांबणार आहे. त्यादृष्टीने म्हाडाने संगणकीय प्रणालीत आवश्यक ते बदल केले आहेत. म्हाडाकडून थेट अर्जदाराच्या बँकेच्या ईमेलवर एनओसी पाठवली जाणार असल्याने पुढील कार्यवाही तत्काळ करणे शक्य होणार आहे.
म्हाडा लॉटरीत घर लागले तर विजेत्याला सुरुवातीला 25 टक्के रक्कम भरावी लागते. त्यानंतर उर्वरित रक्कम भरण्यासाठी बॅंकेकडून कर्ज मिळावे यासाठी विजेत्यांना म्हाडाची एनओसी घ्यावी लागते. ही एनओसी मिळवण्यासाठी म्हाडाकडे रीतसर अर्ज केल्यानंतर 15 दिवसांचा कालावधी लागतो.
