बांगलादेशच्या माजी पंतप्रधान शेख हसीना यांच्या धनमोंडी येथील घरावर तसेच सुदासधन बंगला आणि नातेवाईकांची संपत्ती जप्त करण्याचे आदेश ढाका न्यायालयाने दिले आहेत. त्यासोबतच त्यांच्या नातेवाईकांशी संबंधित 124 खाती देखील जप्त करण्यात आली आहेत. ढाका न्यायालयाचे विशेष न्यायमूर्ती झाकीर होसेन गालिब यांनी हे आदेश दिले आहेत.
शेख हसीन यांचे दिवंगत पती व बांगलादेशचे शास्त्रज्ञ वाझेद मिआ यांच्या नावावर असलेल्या सुदासदन हा बंगला देखील जप्त करण्याचे आदेश दिले आहेत. या व्यतिरिक्त त्यांची मुलगी सायमा वाझेद पुतुल, मुलगा साजिब वाझेद जॉय, बहिण शेख रेहाना आणि तिच्या मुली ट्युलिप सिद्दीकी आणि रदवान मुजिब सिद्दीकी यांची बँक खाती जप्त करण्यात आली आहेत.
