तुमच्या चेहेर्‍यावर मुरुम आणि डाग असतील तर आता अजिबात काळजी करू नका. मुरुमांच्या समस्येपासून मुक्त होण्यासाठी, अनेक प्रकारचे सौंदर्य उत्पादने वापरल्यानंतरही उपयोग होत नाही. अशा परिस्थितीत काही नैसर्गिक उपायांच्या मदतीने मुरुमांच्या समस्येपासून मुक्त होऊ शकता.
सर्वप्रथम आपण मुरुम कशामुळे होतो हे पाहूया. त्वचा तज्ज्ञांच्या मते, काही औषधांच्या परिणामामुळे आपल्या त्वचेवर मुरुम येऊ शकतात. याशिवाय वेळोवेळी त्वचा स्वच्छ न केल्यानेही या प्रकारची समस्या उद्भवते. रात्री झोपण्यापूर्वी मेकअप काढून टाकला नाही तरीही मुरुम उद्भवतात.
मुरुमांपासून मुक्त होण्यासाठी घरगुती उपचार
मध
मधात बॅक्टेरियाविरोधी गुणधर्म असतात,ज्यामुळे मुरुमांपासून मुक्त होण्यास मदत होते. यासाठी,रात्री मुरुम असलेल्या भागावर मध चोळावे आणि सकाळी धुवावे.
ग्रीन टी
ग्रीन टी मुरुमांच्या समस्येपासून आराम देते. यासाठी आपण ग्रीन टीची बॅग बनवून थंड होण्यास ठेवा. ग्रीन टीची पिशवी थंड झाल्यावर मुरुमांवर ठेवा, रात्री झोपण्यापूर्वी हा उपाय करा आणि रात्रभर तसेच ठेवावे. ग्रीन टीमध्ये दाहक-विरोधी गुणधर्म असतात, जे सूज आणि लालसरपणा कमी करण्यास मदत करते.
बर्फ
बर्फाचे तुकडे पातळ कपड्यात लपेटून मुरुमांवर लावा. 20 सेकंदांपेक्षा जास्त काळ ते ठेवू नका. आपण दिवसातून दोनदा हा उपाय पुन्हा करू शकता,यामुळे सूज आणि मुरुम कमी होण्यास मदत होते.
कोरफड जेल
कोरफड त्वचेच्या समस्यांसाठी चमत्कार करू शकते. आपण कोरडेपणा दूर करण्यासाठी देखील याचा वापर करू शकता. हे त्वचेसाठी एक नैसर्गिक मॉइश्चरायझर म्हणून कार्य करते. मुरुमांच्या जागेवर कोरफड जेल लावा आणि रात्रभर तसेच ठेवा. सकाळी उठल्यानंतर धुवून टाका.
(कोणतेही उपाय करण्याआधी तज्ज्ञांचा सल्ला अवश्य घ्यावा.)
