लाचलुचपत प्रतिबंधक विभागाने शिवसेनेचे माजी आमदार वैभव नाईक यांना आज पुन्हा सपत्नीक चौकशीसाठी रत्नागिरीतील कार्यालयात बोलावले होते. गेली अडीच वर्षे नाईक यांची चौकशी सुरू आहे.
आज सकाळी वैभव नाईक आणि त्यांची पत्नी लाचलुचपत प्रतिबंधक विभागाच्या रत्नागिरी कार्यालयात चौकशीसाठी उपस्थित होते. या वेळी प्रसारमाध्यमांशी बोलताना वैभव नाईक म्हणाले की, गेली अडीच वर्षे माझी चौकशी सुरू आहे. एसीबीने नवीन फॉरमॅटमध्ये माहिती मागवली आहे. आता अधिकारीही बदलले असल्याने ती सर्व माहिती घेऊन चौकशीला उपस्थित आहे. मी 1996 पासून आयकर भरत असून गेल्या वीस वर्षांची सर्व माहिती एसीबीकडे दिली आहे. मी विधानसभेच्या चार निवडणुका लढवल्या आहेत. त्या अनुषंगाने मी विवरणपत्रात सर्व माहिती दिली असल्याचे त्यांनी सांगितले.
