लोकप्रिय क्रिकेट समीक्षक, लेखक द्वारकानाथ संझगिरी यांचे निधन झाले. वयाच्या 74 व्या वर्षी त्यांनी अखेरचा श्वास घेतला. मुंबईतील लीलावती रुग्णालयात त्यांच्यावर उपचार सुरू होते. उपचारांदरम्यान गुरुवारी सकाळी त्यांची प्राणज्योत मालवली.
दरम्यान, शिवसेना नेते, युवासेनाप्रमुख, आमदार आदित्य ठाकरे आणि शिवसेना नेते, खासदार संजय राऊत यांनी ट्विट करत द्वारकानाथ संझगिरी यांना श्रद्धांजली वाहिली.
ज्येष्ठ क्रीडा पत्रकार आणि लेखक द्वारकानाथ संझगिरी ह्यांचं दीर्घ आजाराने दुःखद निधन झाल्याची बातमी समजली. त्यांना विनम्र श्रद्धांजली! संझगिरी कुटुंबियांच्या दुःखात आम्ही सहभागी आहोत.
ॐ शांती!— Aaditya Thackeray (@AUThackeray) February 6, 2025
माझे मित्र, क्रिकेट व चित्रपट या दोन्ही विषयांवर चटकदार लिखाण करणारे द्वारकानाथ संझगिरी यांचे निधन धक्कादायक आहे.
दैनिक सामना चे ते लोकप्रिय स्तंभ लेखक होते. क्रीडा विश्वाची मोठीच हानी झाली आहे. त्यांच्या कुटुंबीयांच्या दुःखात मी आणि सामना परिवार सहभागी आहे. pic.twitter.com/GOQUOocpcu— Sanjay Raut (@rautsanjay61) February 6, 2025
