हिंदुस्थानवर कर्जाचा भार प्रचंड वाढला असून तब्बल 24 टक्के महसूल हा कर्जातून येतो अशी टीका तृणमूल काँग्रेसचे खासदार साकेत गोखले यांनी केली आहे. महागाई आणि बेरोजगारी वाढल्यामुळे हे कर्ज काढावे लागत असल्याचे गोखले यांनी एक्सवर केलेल्या पोस्टमध्ये म्हटले आहे.
जेव्हा खर्च करण्याची वेळ येते तेव्हा 20 टक्के रक्कम ही या कर्जाचे व्याज म्हणून फेडण्यात येते. हे म्हणजे जुने कर्ज फेडण्यासाठी आपण नवीन कर्ज घेत असल्याचा प्रकार आहे. लोकांकडे खर्च करायला पैसेच नाहीत. बेरोजगारी आणि गगनाला भिडलेल्या महागाईचा हा परिणाम आहे. या अर्थसंकल्पात बेरोजगारी आणि महागाईकडे पूर्णपणे दुर्लक्ष केले गेले आहे, असेही साकेत गोखले यांनी म्हटले आहे. 2025 चा अर्थसंकल्प काहीच कामाचा नाही. जर तुम्हाला विश्वास बसत नसेल तर लवकरच बाजारात काय अवस्था होते ते पहा असे ते म्हणाले.
