नाशिक-गुजरात महामार्गावरील सापुतरा घाटात 200 फूट खोल दरीत लक्झरी बस कोसळून सात जणांचा मृत्यू झाला. रविवारी पहाटे 5.30 वाजता हा अपघात घडला. या अपघातात 15 जण गंभीर जखमी झाले आहेत. जखमींना उपचारासाठी नजीकच्या रुग्णालयात नेण्यात आले आहे.
अपघात इतका भीषण होता की बसचे दोन तुकडे झाले. नाशिकहून देवदर्शन करून भाविकांची बस गुजरातला देवदर्शनासाठी जात असताना हा अपघात झाला. अपघाताची माहिती मिळताच स्थानिक प्रशासन, पोलीस आणि आपत्कालीन पथक घटनास्थळी रवाना झाले.
अपघाताचे नेमके कारण कळू शकले नाही. मात्र चालकाचे नियंत्रण सुटल्याने हा अपघात झाला असावा अंदाज वर्तवण्यात येत आहे. बसमधील सर्व भाविक मध्य प्रदेशचे रहिवासी आहेत.
