रत्नागिरीतून कुंभमेळ्याला गेलेल्या भाविकांच्या गाडीला घराकडे परतत असताना अपघात झाला. या भीषण अपघातात तीन जणांचा दुर्दैवी मृत्यू झाला. ही घटना शनिवारी पहाटेच्या सुमारास नाशिक येथे घडली. त्यात एकाची प्रपृती गंभीर तर आणखी तिघे किरकोळ जखमी झाले. या भीषण अपघातात मंगलमूर्ती प्रतिष्ठानचे माजी सरचिटणीस आणि निवृत्त प्राचार्य प्रताप सावंत-देसाई, इनोव्हा कार चालक भाग्यवान झगडे व अक्षय निकम यांचे दुर्दैवी निधन झाले. हा अपघात नाशिक जिह्यातील सिन्नर येथे शनिवारी पहाटे 4 वाजता घडला. कुंभमेळा आटपून घरी रत्नागिरीकडे येत असताना नाशिकमधील मार्गावर सिन्नर येथे समोरून येणाऱया डंपरने इनोव्हा कारला जोरदार धडक दिली. या भीषण धडकेत कारचा पुढील भाग पूर्णपणे उद्ध्वस्त झाला.
