मस्साजोगचे सरपंच संतोष देशमुख यांच्या कुटुंबियांना सोशल मीडियावर धमक्या येत आहेत, अशी माहिती धनंजय देशमुख यांनी दिली. याबाबत बोलताना ते म्हणाले आहेत की, ”आमच्या कुटुंबाला धमकी वजा इशारा सोशल मीडियावर येतोय.” धनंजय देशमुख हे पोलीस अधीक्षक नवनीत कॉवत यांना भेटण्यासाठी त्यांच्या कार्यालयात पोहोचले आहे. याआधी माध्यमांशी संवाद साधताना ते असं म्हणाले आहेत.
काय म्हणाले धनंजय देशमुख?
माध्यमांशी संवाद साधताना धनंजय देशमुख म्हणाले की, ”आमच्या कुटुंबाला धमकी वजा इशारा सोशल मीडियावर येतोय. याच संदर्भात मला नवनीत कॉवत यांच्याशी चर्चा करायची आहे. तसेच संतोष देशमुख हत्या प्रकरणाच्या तपासाची माहितीही जाणून घेण्यासाठी मी त्यांची भेट घेत आहे.”
