जगभरातील 22 देशांमधून आलेल्या मराठी भाषिकांच्या उपस्थितीत शुक्रवारी तिसऱया विश्व मराठी संमेलनाचे उद्घाटन होणार आहे. फर्ग्युसन महाविद्यालयाच्या मैदानावर हे संमेलन होणार असून, ज्येष्ठ साहित्यिक आणि कलाकारांच्या उपस्थितीत बालगंधर्व रंगमंदिर ते फर्ग्युसन महाविद्यालय शोभायात्रा काढण्यात येणार आहे. त्यानंतर मुख्यमंत्री देवेंद्र फडणवीस यांच्या हस्ते संमेलनाचे उद्घाटन होणार आहे. फर्ग्युसन, अॅम्फी थिएटर, बालगंधर्व रंगमंदिरात 31 जानेवारी ते 2 फेब्रुवारी या कालावधीत संमेलनातील कार्यक्रम होणार आहेत.
