महाकुंभमेळ्याला जाण्यासाठी अकासा एअरने थेट पुण्याहून प्रयागराजपर्यंत विमान सेवा सुरू केली आहे. ही विमान सेवा पुण्याहून दिल्लीमार्गे प्रयागराज असून यादरम्यान दैनंदिन उड्डाणे केली जाणार आहेत. ही उड्डाणे 28 फेब्रुवारीपर्यंत सुरू राहतील, असे अकासा एअर विमान प्रशासनाकडून सांगण्यात आले आहे. पुण्याहून सकाळी साडेसात वाजता उड्डाण असून ते दिल्लीत पावणेदहा वाजता पोहोचेल. अकासा एअरने हैदराबाद, अहमदाबाद आणि बंगळुरूहूनसुद्धा प्रयागराजसाठी उड्डाणे सुरू केली आहेत.
