चीनमधील एका कंपनीने आपल्या कर्मचाऱयांसाठी एक अजब ऑफर आणली. पंपनीच्या या ऑफरमुळे काही कर्मचारी मालामाल झाले. हिंदुस्थानसह अनेक देशात बोनस थेट बँक खात्यात जमा केला जातो. परंतु, चीनमधील काँघशान व्रेन कंपनीने आपल्या कर्मचाऱयांना एका वेगळ्या पद्धतीने बोनस जाहीर केला. कंपनीने एक मोठा टेबल ठेवला. त्यावर 100-100 युआनच्या नोटांचे बंडल ठेवले. जो कर्मचारी जितक्या नोटा मोजेल तितक्या तो बोनस म्हणून घरी घेवून जाईल, अशी कंपनीने अट ठेवली होती. या टेबलवर एक भांडे ठेवण्यात आले. त्यात चिठ्ठय़ा होत्या. या चिठ्ठय़ा एक मिनिटापासून ते 15 मिनिटांपर्यंत होत्या.
11 लाखांचे बोनस
या ठिकाणी एकूण 20 काउंटर लावण्यात आले. जो कर्मचारी जितक्या नोटा मोजायचा तितक्या नोटा त्याला बोनस म्हणून मिळायच्या. एका कर्मचाऱयाला अक्षरशः जॅकपॉट लागला. त्याने तब्बल 97,800 युआन नोटा मोजल्या. म्हणजेच त्याला 11 लाख 27 हजार 837 रुपये मिळाले. एवढा मोठा बोनस त्याला आनंद झाला.
