श्रीलंकेच्या नौदलाने डेल्फ्ट बेटाजवळ आज पहाटे हिंदुस्थानी मच्छीमारांवर गोळीबार केला. या हल्ल्यात पाच मच्छीमार जखमी झाले. यापैकी दोन जण गंभीर आहेत. या घटनेचा हिंदुस्थानने तीव्र शब्दांत निषेध केला असून कोणत्याही परिस्थितीत बळाचा वापर सहन केला जाणार नाही असे ठणकावले. श्रीलंकेच्या नौदलाने 13 हिंदुस्थानी मच्छीमारांना अटक करताना गोळीबार केला. जखमींवर जाफना रुग्णालयात उपचार सुरू आहेत. दोन जण गंभीर असून अन्य तीन किरकोळ जखमी असल्याची माहिती परराष्ट्र विभागाने दिली.
