हिंदुस्थान, चीन आणि ब्राझिलसारख्या देशांच्या मालावर अधिक जकात कर लावणार असल्याचे अमेरिकेचे राष्ट्राध्यक्ष डोनाल्ड ट्रम्प यांनी म्हटले आहे. ज्या यंत्रणेने अमेरिकेला शक्तिशाली आणि आर्थिकदृष्टय़ा संपन्न बनवले ती यंत्रणा पुन्हा स्वीकारण्याची वेळ आता आली आहे, असे ते म्हणाले. आज फ्लोरिडातील एका कार्यक्रमात ते बोलत होते. दरम्यान, पंतप्रधान नरेंद्र मोदी यांनी ट्रम्प यांच्याशी सोमवारी पह्नवरून संवाद साधल्याच्या दुसऱयाच दिवशी ट्रम्प यांनी देशाची भूमिका मांडली आहे.
राज्यांना मिळणारी मदत रोखली
अमेरिकेतील राज्यांना मिळणारी सरकारी मदत आणि कर्जे रोखण्याचा आदेशही ट्रम्प यांनी दिला. अमेरिकेतील प्रमाणवेळेनुसार आज सायंकाळी 5 वाजल्यापासून हा आदेश लागू झाला. मात्र या आदेशामुळे अमेरिकेतील कोणत्या योजनांना फटका बसेल याबाबत मात्र अद्याप स्पष्ट झालेले नाही.
