उत्तर प्रदेशातील प्रयागराजमध्ये महाकुंभमेळ्यात बुधवारी चेंगराचेंगरी झाल्याची धक्कादायक घटना घडली. या चेंगराचेंगरीत आत्तापर्यंत 10 जणांचा मृत्यू झाला असल्याची माहिती एबीपी माझाच्या वृत्तात दिली आहे. तसेच अनेक जण जखमी झाल्याची प्राथमिक माहिती आहे. जखमी झालेल्या भाविकांना रुग्णालयात दाखल करण्यात आले असून सध्या त्यांच्यावर उपचार सुरू आहेत. या घटनेमुळे आखाडा परिषदेनं मौनी अमावस्येनिमित्त होणारं अमृत स्नान रद्द करण्याचा निर्णय घेतला आहे. अशी माहिती आखाडा परिषदेचे अध्यक्ष रवींद्र पुरी यांनी दिली आहे.
इंडिया टुडेने दिलेल्या माहितीनुसार, जखमी लोकांच्या संख्येची अद्याप पुष्टी झालेली नाही. मात्र या घटनेत किमान 30 ते 40 भाविक जखमी झाल्याची माहिती तेथील प्रत्यक्षदर्शींनी दिली आहे.
सोशल मीडिया वरून सतत वेगवेगळे इन्फ्लुएंसर हे संगम घाटावरील स्नानाचे कसे महत्त्व आहे हे सांगत होते. त्यामुळे विविध ठिकाणी शाही स्नानाची व्यवस्था केलेली असताना देखील अनेकांचा ओढा हा प्रमुख मानला जाणाऱ्या संगम घाटाकडे होता. यामुळे मोठ्या प्रमाणात भाविक संगम घाटावर जाण्यासाठीच आग्रही होते. त्यामुळे संगम घाट कडे जाणारा रस्ता प्रचंड भरून गेला, अशी माहिती मिळते आहे.
#WATCH | Maha Kumbh Stampede | Prayagraj, Uttar Pradesh: Spiritual leader Devkinandan Thakur says, “… I did not go to the Sangam Ghat because the size of the crowds over there is massive… I appeal to the people that not insist on taking a bath at the Sangam Ghat only. The… pic.twitter.com/2yaosBZA8H
— ANI (@ANI) January 29, 2025
याउलट आता अनेक आध्यात्मिक गुरु पुढे येऊन भाविकांना आवाहन करत आहेत की केवळ संगम घाटावर स्नानाला जाण्याचा आग्रह धरू नका. प्रयागराज मध्ये जे विविध घाट तयार करण्यात आले आहेत तिथे देखील स्नान केल्यानंतर तेवढेच पुण्य मिळेल आणि गर्दीचा प्रश्न उद्भवणार नाही. मात्र लोकांचा ओढा हा संगम घाटाकडेच असल्याचं बोललं जात आहे. त्यातूनच ही प्रचंड गर्दी आणि चेंगराचेंगरी झाल्याचं कळतं आहे.
#WATCH | Maha Kumbh Stampede | Prayagraj, Uttar Pradesh: Jagadguru Swami Rambhadracharya Ji says, “I appeal to all the devotees that because a large crowd has gathered in Prayagraj today, they should not insist on taking a holy dip only at the Sangam Ghat. As of now, they should… pic.twitter.com/KV7KZ9ptfn
— ANI (@ANI) January 29, 2025
