छत्रपती संभाजी महाराजांच्या आयुष्यावर आधारीत छावा हा चित्रपट येत्या 14 फेब्रुवारीला रिलीज होणार आहे. उद्या 22 जानेवारीला या चित्रपटाचा ट्रेलर लाँच होणार आहे. दरम्यान आज 21 जानेवारीला निर्मात्यांनी या चित्रपटात येसूबाईंची भूमिका साकारणाऱ्या रश्मिका मंदाना हिचा चित्रपटातील लूक शेअर केला आहे.
या चित्रपटातील रश्मिकाचे दोन फोटो समोर आले आहेत. दोन्ही फोटोत रश्मिका मराठमोळ्या लूकमध्ये दिसत आहे. नाकात नथ, भरजरी पैठणी, कोल्हापूरी साज, हिरवा चूडा, कपाळावर कुंकू या लूकमध्ये रश्मिका जबरदस्त दिसत आहे.
