तिरुमला तिरुपती देवस्थानने तिरुमला येथील भगवान व्यंकटेश्वर मंदिरातील वैकुंठद्वार दर्शनासाठी ऑनलाइन तिकीट बुकिंगची सुविधा सुरू केली आहे. 10 जानेवारी 2025 रोजी तिरुमला मंदिरात शुभ वैकुंठ एकादशी साजरी केली जाणार आहे. वैध दर्शन तिकीट असलेल्या भाविकांनाच फक्त वैकुंठ द्वारम येथून दर्शनासाठी परवानगी देण्याचा निर्णय देवस्थानच्या बैठकीत घेण्यात आला आहे. टोकन नसलेल्या भाविकांना मंदिराच्या दर्शनासाठी परवानगी दिली जाणार नाही. भाविकांनी तिकिटासाठी 300 रुपये मोजल्यास त्यांना स्पेशल एंट्री दर्शन तिकिटे उपलब्ध करून दिले जातील.
