भारतीय आयुर्विमा महामंडळ (LIC) ची 2023-24 या आर्थिक वर्षात एकूण 880.93 कोटी रुपयांची दावा न केलेली मॅच्युरिटी रक्कम आहे. सरकारी माहितीनुसार, एकूण 372,282 पॉलिसीधारकांनी त्यांच्या मॅच्युरिटी बेनिफिटचा दावा केलेला नाही. पॉलिसी मॅच्युअर होऊन 3 वर्ष झाली तरी त्यावर कोणीही दावा केलेला नाही. त्यामुळे याबाबत माहिती घेत नॉमिनी या रकमेवर दावा करू शकतात.
1956 पर्यंत 154 भारतीय विमा कंपन्या, 16 विदेशी कंपन्या आणि 75 भविष्य निर्वाह कंपन्या भारतात कार्यरत होत्या. 1सप्टेंबर 1956 रोजी सरकारने या सर्व 245 कंपन्यांचे राष्ट्रीयीकरण केले आणि भारतीय आयुर्विमा महामंडळ सुरू केले. तेच आता LIC म्हणून ओळखले जाते. सध्या 25 कोटींहून अधिक लोकांकडे LIC पॉलिसी आहेत. तसेच दावा न केलेली सुमारे 881 कोटी रुपये LIC कडे पडून आहे. यासाठी एलआयसीने मॅच्युअर पॉलिसीमध्ये आपला दावा आहे काय, हे शोधण्यासाठी प्रक्रियेची माहिती दिली आहे.
LIC वेबसाइट https://licindia.in/home ला भेट द्या
होमपेजवर ग्राहक सेवा वर क्लिक करा.
यावर जा आणि पॉलिसीधारकांच्या अनक्लेम्ड रकम पर्याय निवडा.
पॉलिसी क्रमांक, नाव, जन्मतारीख आणि पॅन कार्ड क्रमांक यासारखे आवश्यक तपशील प्रविष्ट करा.
यानंतर तुम्हाला अनक्लेम मॅच्युरिटी असलेल्या पॉलिसीची माहिती मिळेल.
कोणत्याही एलआयसी कार्यालयातून दावा फॉर्म मिळवा किंवा अधिकृत वेबसाइटवरून डाउनलोड करा. फॉर्म भरल्यानंतर, आवश्यक कागदपत्रे जसे की पॉलिसी दस्तऐवज, प्रीमियम पावत्या आणि लागू असल्यास मृत्यू प्रमाणपत्र संलग्न करा. एलआयसी कार्यालयात कागदपत्रांसह पूर्ण केलेला फॉर्म सबमिट करा. LIC तुमच्या दाव्याचे पुनरावलोकन करेल आणि मंजूर केल्यास, ते तुमची दावा असलेली रक्कम जारी करेल.
नियमांनुसार, ज्या पॉलिसींच्या मॅच्युरिटी रकमेवर कोणी दावा केलेला नाही, अशा पॉलिसी दावा न केलेल्या खात्यात जमा केल्या जातात. 10 वर्षे हक्क नसलेली रक्कम राहिल्यास ती ज्येष्ठ नागरिक कल्याण निधीमध्ये टाकली जाते. हा पैसा वृद्धांच्या देखभालीसाठी खर्च केला जातो.
