मुंबईतील दादरमधील राजे शिवाजी विद्यालयात रविवारी मनसे अध्यक्ष राज ठाकरे यांच्या बहिणीच्या मुलाचा लग्नसोहळा पार पडला. कौटुंबिक कार्यक्रमानिमित्त शिवसेना (उद्धव बाळासाहेब ठाकरे) पक्षाचे पक्षप्रमुख उद्धव ठाकरे यांनी सहकुटुंब या सोहळ्याला हजेरी लावत वधू आणि वराला आशीर्वाद दिले. यावेळी सौ. रश्मी ठाकरे आणि शिवसेना नेते, युवासेना प्रमुख व शिवसेनेचे विधिमंडळ पक्षनेते आदित्य ठाकरे हे देखील उपस्थित होते.
याच लग्न सोहळ्याचे काही व्हिडीओ आणि फोटो समोर आले आहेत. ज्यामध्ये उद्धव ठाकरे आणि राज ठाकरे एकमेकांच्या शेजारी उभे असल्याचं दिसत आहे. तसेच ते वधू आणि वरावर अक्षता टाकताना दिसत आहेत.
