सोमवारी रात्री बेस्ट बसचा ब्रेक फेल होऊन भयंकर दुर्घटना घडली घडली. भरधाव वेगातील बेस्ट बसने अनेक वाहनांना धडक देत 25 ते 30 पादचाऱ्यांना चिरडले. या अपघातात 6 जणांना मृत्यू झाला असून अनेक जण जखमी झाले आहेत. त्यामुळे आज पोलिसांनी कुर्ला स्टेशनच्या बस सेवा बंद केल्या आहेत. कुर्ला स्टेशन वरुन वांद्रे, सांताक्रूज, अंधेरीला जाणाऱ्या सर्व बसेस बदं करण्यात आल्याने नागरिकांचे प्रचंड हाल झाले असून त्यांना पर्यायी मार्ग उपलब्ध केले आहेत.
कुर्ला स्टेशनच्या बस सेवा बंद केल्या असल्या तरी प्रवाशांसाठी पर्यायी मार्ग दिले आहेत. मार्ग 37,320,319,325,330,365 आणि 446 बसेस कुर्ला आगारातुन चालतील असे सांगण्यात आले आहे. तर सांताक्रुझ स्टेशन ते कुर्ला स्टेशन चालणारे बसमार्ग 311,313 आणि 318 च्या बसेस टिळक नगर यु वळण घेऊन कुर्ला स्टेशन न जाता सांताक्रुझ स्टेशन जातील. बसमार्ग 310 च्या बसेस पण टिळक नगर पुल येथे यु वळण मारुन बांद्रा बस स्थानक जातील.
