परिसरातील नशेबाजांना गांजाची विक्री करणाऱया एका ड्रग्ज तस्कराला मुंबई गुन्हे शाखेने पकडले. सातरस्ता येथे कारवाई करत पोलिसांनी तस्कराच्या घरातून 38 किलो 117 ग्रॅम वजनाचा व नऊ लाख 52 हजार किंमतीचा गांजाचा साठा हस्तगत केला. सातरस्ता येथील विठ्ठल निवास येथे राहणाऱया एका 27 वर्षीय तरुणाने त्याच्या घरात मोठय़ा प्रमाणात गांजाचा साठा करून ठेवला असल्याची माहिती गुन्हे शाखा युनिट-4 ला मिळाली. त्यानुसार प्रभारी निरीक्षक लता सुतार, निरीक्षक नितीन पुंभार व पथकाने त्या तरुणाच्या घरावर धडक दिली. घराची झडती घेतली असता तेथे 38 किलो 117 ग्रॅम वजनाचा गांजा मिळून आला. त्या तरुणाला अटक करून न्यायालयात हजर केले असता 7 डिसेंबरपर्यंत पोलीस कोठडी सुनावण्यात आली.
छोटय़ा पुडय़ांमधून गांजाची विक्री
अटक केलेला तरुण छोटय़ा पुडय़ांमधून नशेबाजांना गांजाची विक्री करतो. गेल्या एक वर्षापासून तो गांजाविक्रीचा धंदा करत असल्याचे समोर आले. पोलीस याप्रकरणी अधिक तपास करत आहेत.
