महाराष्ट्राच्या विधानसभा निवडणुकीच्या निकालात ईव्हीएम मशिन्स हॅक करून मतांमध्ये फेराफेर झाल्याचा आरोप महाविकास आघाडीच्या अनेक नेत्यांनी केला आहे. अनेक ठिकाणी झालेल्या मतदानापेक्षा अधिक मतं आढळून आली आहेत, तर काही ठिकाणी मतदानाची वेळ संपल्यानंतरही मतदान झाल्याचे समोर आले आहे. त्यावरून शिवसेना (उद्धव बाळासाहेब ठाकरे) पक्षाचे नेते, खासदार संजय राऊत यांनी ‘एक्स’वर एक पोस्ट करत महायुती व निवडणूक आयोगावर टीका केली आहे.
संजय राऊत यांनी ‘एक्स’वर एक पोस्ट करत म्हटलं आहे की, ”जनमत चोरणाऱ्यांना देश आणि जनता माफ करणार नाही. पहात रहा, पुढे पुढे काय होणार?” असा इशारा त्यांनी या पोस्टमधून दिला आहे. या पोस्टसोबतच त्यांनी एक फोटो ही शेअर केला आहे. ज्यावर ”ज्यांचा ईव्हीएम, त्यांची डेमोक्रसी.” असं लिहलेलं आहे.
जनमत चूरानेवालेको देश और जनता कभी माफ नहीं करेगी.
देखते रहो; आगे क्या क्या होता है!
जय हिंद! pic.twitter.com/KxMKmz6dLs— Sanjay Raut (@rautsanjay61) November 28, 2024
