चंद्रपूर जिल्ह्यातील कोठारी वनपरिक्षेत्रात वाघिणीचा मृतदेह आढळून आला आहे. यामुळे एकच खळबळ उडाली आहे.
मृतक वाघ मादी असून तिचे वय सात ते आठ वर्ष असल्याचा अंदाज वनविभागाने वर्तविला आहे. तिच्या शरीरावर ओरखडल्याचेही निशाण आढळले आहेत. मृतक वाघिणीचे सर्व अवयव शाबूत आहेत.
प्रौढ नर वाघाने तिला ठार मारल्याचा अंदाज वनविभागाने वर्तविला आहे. पुढील तपास उपवनसंरक्षक मध्य चांदा वनविभाग श्वेता बोड्डू, सहाय्यक वनसंरक्षक शेंडगे यांचा मार्गदर्शनात वनपरीक्षेत्र अधिकारी एस. व्ही. मुरकुटे करीत आहेत. शव विच्छेदन अहवाल प्राप्त झाल्यानंतर वाघिणीच्या मृत्यूचे खरे कारण पुढे येणार आहे.
