किरकोळ वादातून एकाची हत्या झाल्याची घटना गिरगाव येथे घडली. मृताची ओळख पटली नाही. या प्रकरणी व्ही. पी रोड पोलिसांनी समीर शौकत मोमीनला अटक केली. समीरविरोधात 9 गुन्हे दाखल आहेत. त्याला अटक करून न्यायालयात हजर केले होते.
शनिवारी पहाटे मृत व्यक्ती आणि समीरचा वाद झाला. वाद झाल्यावर धक्काबुकी करून मृताला खाली पाडले. त्यानंतर समीरने मृताचे डोके फुटपाथच्या कडेला आपटून त्याला गंभीर जखमी झाले. या घटनेनंतर समीर तेथून निघून गेला. सिंगापूरवाला इमारत परिसरात एक जण जखमी अवस्थेत पडल्याची माहिती एकाने पोलीस नियंत्रण कक्षाला दिली. त्यानंतर काहीच वेळात व्ही. पी. रोड पोलीस घटनास्थळी आले. पोलिसांनी जखमीला जे.जे. रुग्णालयात दाखल केले. तेथे त्याला डॉक्टरांनी मृत घोषित केले. मृताची ओळख पटली नाही.
घडल्याप्रकरणी व्ही.पी. रोड पोलिसांनी गुन्हा नोंद केला. तपासादरम्यान पोलिसांनी त्या परिसरातील सीसीटीव्ही फुटेजची तपासणी केली. फुटेजवरून पोलिसांनी समीरला ताब्यात घेऊन अटक केली. समीरविरोधात एकूण 9 गुन्हे दाखल आहेत. काही महिन्यांपूर्वी पोलिसांनी समीरवर प्रतिबंधात्मक कारवाईदेखील केल्याचे समजते. हत्येच्या गुह्यात पोलिसांनी समीरला अटक करून न्यायालयात हजर केले होते. हत्येचे नेमके कारण समजू शकले नाही.
