महाराष्ट्र विधानसभा निवडणुकांचे निकाल जाहीर झाल्यानंतर आष्टीमधील नवनिर्वार्चित आमदार सुरेश धस यांनी भाजप नेत्या पंकजा मुंडे यांच्यावर टिकास्त्र सोडले आहे. पंकजा मुंडे यांनी आपल्याविरोधात काम केल्याचा आरोपही त्यांनी केला आहे.
पंकजाताई, मी तुम्हाला बहीण मानत होतो. पण तुम्ही माझ्याविरोधात काम केलं. पंकजा ताईंनी मला धोका द्यायला नको होता. आष्टीमधील नवनिर्वाचित आमदार सुरेश धस यांनी पंकजा मुंडेंवर टीका केली आहे. पंकजाताईंनी माझ्याविरोधात काम करण्यास कार्यकर्त्यांना सांगितल्याचा आरोप सुरेश धस यांनी केला आहे.
आष्टी विधानसभा मतदारसंघातून सुरेश धस यांचा 75 हजारांच्या मताधिक्यांनी विजय झाला आहे. दरम्यान विजयी झाल्यानंतर आयोजित केलेल्या सभेत सुरेश धस यांनी भाजप नेत्या पंकजा मुंडे यांच्यावर सडकून टीका केली आहे. ते म्हणाले, पंकजाताईंनी मला धोका द्यायला नको होता. पंकजाताईंनी माझ्या विरोधात काम करण्यास कार्यकर्त्यांना सांगितल्याचा आरोप सुरेश धस यांनी केला आहे. पुढे ते म्हणाले, पंकजाताई तुम्ही एक चांगल्या व्यक्ती गमावला असल्याचेही धस म्हणाले.
