यवतमाळमधील वणी विधानसभा मतदारसंघातून संजय देरकर विजयी झाले आहेत. त्यांनी दोन वेळेचे भाजपचे येथील विद्यमान आमदार संजीवरेड्डी बापूराव बोदकुरवार यांचा पराभव केला आहे. संजय देरकर यांना विजय घोषित केल्यानंतर वणीत शिवसेना (उद्धव बाळासाहेब ठाकरे) पक्षाच्या कार्यकर्त्यांनी एकच जल्लोष केला.
संजय देरकर यांना 94618 मते मिळाली. तर भाजपचे संजीवरेड्डी बापूराव बोदकुरवार यांना 79058 मते पडली. देरकर यांनी तब्बल 15560 मताधिक्क्याने विजय मिळवला आहे. तर तिसऱ्या क्रमांकांची सर्वाधिक मते मनसे उमेदवार राजू मधुकरराव उंबरकर यांना मिळाली. त्यांना 21977 मते मिळाली.
