हिंदुस्थानातील तेलंगणाचा मूळ रहिवासी असलेल्या 23 वर्षीय विद्यार्थ्याचा अमेरिकेत मृत्यू झाला आहे. स्वतःच्या वाढदिवसाला त्याने चुकून स्वतःवरच गोळी झाडल्याने त्याचा मृत्यू ओढवला. आर्यन रेड्डी असे या विद्यार्थ्याचे नाव असून 13 नोव्हेंबर रोजी त्याचा वाढदिवस होता. तो अमेरिकेतील जॉर्जिया येथील अटलांटा येथे राहतो. वाढदिवसा दिवशी त्याने त्याची शिकारीची बंदुक स्वच्छ करण्यासाठी बाहेर काढली. परंतु, ती स्वच्छ करताना त्याच्या हातून ट्रिगर दाबला गेला आणि त्याच्या छातीत गोळी लागून त्याचा जागीच मृत्यू झाल्याची माहिती समोर आली आहे.
