टीम इंडियाचा गोलंदाज युजवेंद्र चहलची पत्नी धनश्री वर्मा लवकरच तेलुगु चित्रपटातून डेब्यू करणार असल्याची चर्चा आहे. धनश्री वर्मा आपले सौंदर्य आणि डान्समुळे नेहमीच चर्चेत असते. मात्र आता अभिनयामुळे पुन्हा एकदा धनश्री चर्चेत आली आहे.
धनश्री डेब्यू करत असलेल्या तेलुगु चित्रपटाचे नाव Akasham Dati Vastava असे आहे. दिल राजू या बॅनरखाली चित्रपटाची निर्मिती करण्यात येणार आहे. कोरिओग्राफर यश देखील या चित्रपटात लीड रोलमध्ये दिसणार आहे.
मिळालेल्या माहितीनुसार, मल्याळम फिल्म इंडस्ट्रीतील टॉपची अभिनेत्री कार्तिका मुरलीधरनही या चित्रपटात भूमिका करणार आहे. धनश्री वर्माही या चित्रपटात महत्वाची भूमिका निभावणार आहे.
हा चित्रपट डान्सवर आधारित असल्याचं बोललं जात आहे. यामुळेच युजवेंद्रची पत्नी धनश्रीला या चित्रपटासाठी अप्रोच करण्यात आले आहे. रिपोर्टनुसार, चित्रपटातील भूमिका पाहूनच धनश्री हा चित्रपट करायचा की नाही हे ठरवणार आहे.
धनश्री वर्मा अलीकडेच ‘झलक दिखला जा 11’ या डान्स शो मध्ये सहभागी झाली होती. या शोमध्ये तिने वाईल्ड कार्ड एन्ट्री घेतली होती. धनश्रीने आपल्या डान्सने सर्वांना प्रभावित केले असले तरी ती हा शो जिंकू शकली नाही. मात्र तिच्या इन्स्टाग्राम अकाउंटवर ती डान्सचे व्हिडिओ शेअर करत असते.
