पर्थ कसोटीत कुणाला संधी आणि कुणाला बाकावर बसावे लागणार आहे, याबाबतही कसोटीच्या पूर्वसंध्येलाही हंगामी कर्णधार जसप्रीत बुमराने सस्पेन्स कायम ठेवला आहे. हिंदुस्थानचे दोन महत्त्वाचे खेळाडू संघात नसल्यामुळे अंतिम संघ काहीसा कमकुवत असण्याची शक्यता आहे. तरीही संघात कोण-कोण खेळणार हे निश्चितपणे बुमरा सांगू शकलेला नाही. एकीकडे गिलच्या अंगठय़ाला दुखापत असली तरी तो मैदानात उतरण्याची शक्यता वर्तवली जात आहे. त्यामुळे अंतिम संघ जाहीर करण्यात आलेला नाही. आमच्यावर कोणताही दबाव नाही आणि आमचा अंतिम संघही निश्चित असल्याचे पत्रकार परिषदेत बुमरा म्हणाला. गिल नसल्यामुळे संघात राहुल, देवदत्त पडिक्कलला फलंदाजीसाठी तर गोलंदाजीसाठी नितिश रेड्डी, हर्षित राणाला खेळविले जाणार असल्याचे संकेत दिले आहेत. पण 11 खेळाडूंची अंतिम यादा सामन्यापूर्वीच जाहीर केली जाणार आहे.
