झोमॅटोचे सीईओ दीपिंदर गोयल यांनी नोकरीची हटके ऑफर दिली. ‘चीफ ऑफ स्टाफ’ पदासाठी नोकरी असून त्यासाठी काही अटी ठेवल्या आहेत. त्यानुसार या पदासाठी निवड झालेल्या व्यक्तीला वर्षभर पगार मिळणार नाही. उलट उमेदवाराने झोमॅटोच्या ‘फिडिंग इंडिया’ उपक्रमाला 20 लाख रुपये दान द्यावे लागतील. या अनोख्या जॉब ऑफरच्या माध्यमातून विविध प्रकारचे टॅलेंट आकर्षित करण्याचा झोमॅटो कंपनीचा मानस आहे. जे पैशाचा विचार न करता केवळ शिकण्यासाठी आणि काहीतरी योगदान देण्यास उत्सुक आहेत ते या ऑफरचा नक्की लाभ घेतील, असा विश्वास दीपिंदर गोयल यांनी व्यक्त केला. गोयल यांच्या ऑफरवर सोशल मीडियात वेगवेगळय़ा प्रतिक्रिया उमटत आहेत.
