परळीतील धर्मापुरी मतदान केंद्रावर बोगस मतदान सुरू असल्याचा आरोप राष्ट्रवादी काँग्रेस शरदचंद्र पवार पक्षाचे उमेदवार राजेसाहेब देशमुख यांनी केला. सीसीटीव्ही कॅमेरे बंद करून बोगस मतदान सुरू असल्याचा आरोप करत राजेसाहेब देशमुख यांनी मतदान केंद्रावर गोंधळ घातला.
परळीमध्ये धनंजय मुंडे विरुद्ध राजेसाहेब देशमुख अशी लढत आहे. राजेसाहेब देशमुखांच्या आरोपामुळे मतदान केंद्रावर काही वेळ गोंधळाची स्थिती निर्माण झाली.
राज्यात विधानसभेच्या 288 जागांसाठी मतदान होत आहे. मतदानासाठी नागरिकांकडून उत्स्फूर्त प्रतिसाद मिळत आहे. सकाळी सात वाजल्यापासून सर्व मतदारसंघात मतदानासाठी मतदारांच्या रांगा पहायला मिळत आहेत. महाराष्ट्रातील निवडणुकीसंदर्भात अपडेट जाणून घेण्यासाठी खालील लिंकवर क्लिक करा.
