राज्यात आज विधानसभेसाठी मतदान होत आहे. सकाळी सात वाजता सर्वत्र मतदानाला सुरुवात झाली. मात्र अकोल्यात सात वाजल्यापासूनच मतदानयंत्र बंद पडले होते. यामुळे मतदानाला सुरवात होऊन सव्वा तास उलटून गेला तरी यंत्र सुरू न झाल्याने मतदानाला अद्याप सुरूवात झाली नव्हती. अखेर सव्वा तासानंतर मशिन सुरू झालं आणि मतदानाला सुरुवात झाली.
सात वाजता मतदानाला सुरुवात झाल्यानंतर नागरिकांनी मतदानासाठी केंद्रावर हजेरी लावली. मात्र मतदानयंत्र बंद असल्याने मतदारांना माघारी परतावे लागले. यामुळे मतदारांमध्ये नाराजी व्यक्त केली होती. मात्र अखेर तांत्रिक दुरुस्तीनंतर मतदानाला सुरुवात झाली.
