महाराष्ट्रात विधानसभा निवडणुकीत भाजपने ‘बटेंगे तो कटेंगे’चा नारा दिला. पंतप्रधान नरेंद्र मोदी यांनी ‘एक हैं तो सेफ हैं’ची घोषणा केली. मात्र, विदेशात जाताच मोदींना सर्व जगच एक कुटुंब असल्याचा साक्षात्कार झाला. ब्राझिलमध्ये सुरू असलेल्या ‘जी-20’ शिखर परिषदेत मोदींनी चक्क ‘वसुधैव कुटुम्बकम्’चा नारा दिला आहे. गेल्या वर्षी ‘जी-20’ राष्ट्रांच्या शिखर परिषदेचे यजमानपद हिंदुस्थानकडे होते. या वर्षी ब्राझिलकडे यजमानपद आले आहे. रिओ दी जानेरो शहरात ही परिषद सुरू आहे. या परिषदेत पंतप्रधान मोदींसह अमेरिकेचे मावळते राष्ट्राध्यक्ष जो बायडेनसह 20 राष्ट्रांचे प्रमुख दाखल झाले आहेत.
