अवघ्या काही तासांनी संपूर्ण राज्यात विधानसभा निवडणुकीसाठी मतदान प्रक्रिया पार पडणार आहे. मतदारांना आकर्षित करण्यासाठी भाजप मोठ्या प्रमाणात पैसा आणि सत्तेचा गैरवापर करत असल्याचा आरोप विरोधकांकडून होत आहे. भाजपचे राष्ट्रीय सरचिटणीस विनोद तावडे हे वसई विरारमध्ये पैशांचे वाटप करत असल्याचा आरोप बहुजन विकास आघाडीने केला आहे. बहुजन विकास आघाडीने विवांता हॉटेलमध्ये विनोद तावडे यांना रंगेहाथ पैसे वाटप करत असताना पकडल्याचे म्हटले आहे. या घटनेचा एक व्हिडीओ शेअर करत काँग्रेसने जोरदार टीका केली आहे.
विनोद तावडे यांनी पाच कोटी वाटल्याचा आरोप केला जात आहे. त्यामुळे त्यांना तात्काळ अटक करा अशी मागणी महाविकास आघाडीने केली आहे. तसेच काँग्रेसने यासंदर्भात एक्सवर (X) व्हिडीओ ट्वीट करत विनोद तावडेंसह महायुतीवर जोरदार टीका केली आहे. “देख रहा है विनोद, विनोद यावेळी बघत नाही, पण विनोद पैसे वाटत आहे. भरपूर पैसे वाटत आहे. विनोद पैशांची बॅग घेऊन महाराष्ट्रातील एका हॉटेलमध्ये गेला आणि पैसे वाटायला लागला. पण पकडल्यावर पळायला लागला. पण विनोद किती दिवस असाच पळत राहणार? एक ना एक दिवस पकडला जाईल. आणि रंगेहाथ पकडला गेला पैशांच्या सोबत, अशी जोरदार टीका व्हिडीओच्या माध्यामातून काँग्रेसने केली आहे.
देख रहा है विनोद.. pic.twitter.com/g7TBLrLxYA
— Congress (@INCIndia) November 19, 2024
