राज्यात गेल्या काही दिवसांपासून विधानसभा निवडणुकीच्या प्रचाराचा धडाका सुरू आहे. प्रचाराच्या शेवटच्या दिवशी सांगता सभेत माजी मंत्री तथा आमदार एकनाथ खडसे यांनी मतदारांना भावनिक साद घातली. ‘यापुढे मी निवडणूक न लढविण्याचा निर्णय घेतला आहे. तब्येत ठीक नसते. पुढील निवडणूक मी पाहणार की नाही पाहणार हे तो ईश्वरच ठरवेल. आपण सर्वांनी महाविकास आघाडीच्या रोहिणी खडसे यांना निवडून द्यावे’, अशी भावनिक साद एकनाथ खडसे यांनी घातली आहे.
