बारामतीत येऊन उत्तर देणार, अमोल कोल्हे यांचे अजित पवारांना प्रत्युत्तर

सामना ऑनलाईन
|

शिरुरमध्ये अजित पवारानी राष्ट्रवादी काँग्रेस शरदचंद्र पवार पक्षाचे खासदार अमोल कोल्हे यांच्यावर टीका केली होती. बारामतीत येऊन याचे उत्तर देणार असे प्रत्युत्तर अमोल कोल्हे यांनी दिले आहे.

एका सभेत बोलताना अमोल कोल्हे म्हणाले की, शिरुरमध्ये अजित पवारांची सभा झाल्याचे काही जणांनी मला सांगितले. काहींनी चष्मा बदलण्याचाही मला सल्ला दिला. तुम्ही आमच्या मतदारसंघात येऊन टीका करता, उद्या तुमच्या मतदारसंघात येऊन उत्तर देणार हे मी ठणकावून सांगतो. 2019 ला मी तुमच्याकडे तिकीट मागायला आलो होतो की तुम्ही तुकीट घेऊन आला होतात हे सांगा असे आव्हान कोल्हे यांनी अजित पवारांना दिले आहे. तसेच उद्या बारामतीत आमची सभा आहे, आणि जे उत्तर द्यायचे आहे ते बारामतीत येऊन देणार, इलाका तुम्हारा धमाका हमारा असेही कोल्हे म्हणाले.

संबंधित बातम्या या पब्लिशरकडून आणखी