दुचाकीला वाचवण्याच्या नादात उत्तर प्रदेशातील हरदोई भीषण अपघात घडला. रिक्षा आणि ट्रकच्या धडकेत 10 जणांचा जागीच मृत्यू झाला. मृतांमध्ये 6 महिला आणि 2 बालकांचा समावेश आहे. अपघात पाच जण जखमी झाले असून त्यांना उपचारासाठी रुग्णालयात दाखल करण्यात आले आहे.
अपघातग्रस्त रिक्षा कटरा बिल्हौर मार्गावरुन बिलग्रामच्या दिशेने येत होती. यावेळी एक दुचाकीवाला अचानक समोर आल्याने त्याला वाचवण्यासाठी रिक्षाचालकाने कट मारला. यादरम्यान विरुद्ध दिशेने येणाऱ्या ट्रकला रिक्षा धडकली आणि पलटी झाली. रिक्षात 15 प्रवाशी होते.
प्रवाशांचा आरडाओरडा ऐकून आसपास शेतात काम करणारे स्थानिक लोक धावत आले. स्थानिकांनी पोलिसांना घटनेची माहिती दिली. अपघातात रिक्षातील 10 प्रवाशांची जागीच मृत्यू झाला तर अन्य पाच जण जखमी झाले. जखमींना उपचारासाठी तात्काळ रुग्णालयात दाखल करण्यात आले असून त्यांची प्रकृती चिंताजनक आहे.
