जाफराबाद भोकरदन विधानसभा मतदारसंघातील महाविकास आघाडीचे उमेदवार चंद्रकांत पाटील दानवे यांच्या प्रचार कार्यालयाचे उद्घाटन झाले. यावेळी माजी केंद्रीय मंत्री तथा राष्ट्रवादीचे नेते जयसिंगराव गायकवाड, खासदार डॉ. कल्याणराव काळे, काँग्रेस जिल्हाध्यक्ष राजाभाऊ देशमुख, शिवसेना उपजिल्हाप्रमुख रमेश पा. गव्हाड, राष्ट्रवादी महिला जिल्हाध्यक्षा सुरेखा लहाने, उमेदवार चंद्रकांत पा. दानवे यांची उपस्थिती होती.
खासदार डॉ कल्याण काळे म्हणाले की, मला लोकसभेला भरघोस मताधिक्य देऊन देशाच्या संसदेत पाठवणारा हाच विधानसभा मतदार संघ आहे. त्यावेळी माजी खासदार रावसाहेब दानवे यांच्या विरोधात आपण जी हिंमत दाखवली, त्याचे मोल होऊच शकत नाही, मात्र आता देखील आमदार संतोष दानवे यांना देखील घरचा रस्ता दाखावयाचा आहे. आणि तोही येणाऱ्या 20 तारखेला मतदानातून. तुतारीवाला माणूस या चिन्हासमोरील बटण दाबून चंद्रकांत पा. दानवे यांना मतदान करण्याचे आवाहन केले.
यावेळी जयसिंग गायकवाड, खासदार डॉ. कल्याण काळे, हत्तीअंबिरे, चंद्रकांत पा. दानवे, सुरेखा लहाने, राजाभाऊ देशमुख, माजी जिल्हा परिषद अध्यक्ष उत्तमराव वानखेडे, माजी जि. प. सभापती रमेश धावलिया, माजी तालुका प्रमुख शिवाजीराव गावंदे काँग्रेसचे सुरेश गवळी, शिवसेना तालुकाप्रमुख नवनाथ दौंड, कुंडलिक मुठे, राष्ट्रवादी तालुका अध्यक्ष रामधन कळंबे, काँग्रेस तालुकाध्यक्ष ज्ञानेश्वर शिंदे, यांच्यासह शिवसेना, काँग्रेस, राष्ट्रवादी तथा महाविकास आघाडीचे तालुक्यातील पदाधिकारी, बूथ प्रमुख, कार्यकर्ते मोठ्या संख्येने उपस्थित होते.
