सत्ताधारी पक्षाकडून आपल्याच उमदेवारांना आर्थिक रसद पुरवली जात आहे. पण यासाठी पोलिसांच्या गाड्यांचा वापर होत आहे असा आरोप शरद पवार यांनी केला आहे. आज बारामतीत पाडव्यानिमित्र पवारांनी माध्यमांशी संवाद साधला,त्यावेळी त्यांनी हा आरोप केला.
शरद पवार म्हणाले की, सत्ताधारी पक्षाकडून त्यांच्या उमेदवारांना अर्थसहाय्याचे काम केलं जातं. त्यासाठी पोलीस दलाच्या गाड्या वापरल्या जातात. पोलिसांच्या गाड्यांतून रसद पुरवली जाते, असं त्या विभागाच्या काही अधिकाऱ्यांनी सांगितलं. अनेक अधिकाऱ्यांना याबाबत सार्वजनिक ठिकाणी बोलायचं होतं, पण त्यांना ते शक्य नाही असेही शरद पवार म्हणाले.
सत्ताधारी पक्षाच्या उमेदवारांना पोलीस दलातील वाहनांमधून रसद पोचवली जातेय. pic.twitter.com/eBSwtPOcxz
— Nationalist Congress Party – Sharadchandra Pawar (@NCPspeaks) November 2, 2024
