जम्मू-काश्मीरमध्ये शनिवारी सकाळपासूनच सुरक्षा दल आणि दहशतवाद्यांमध्ये चकमकी सुरू आहेत. अनंतनागमध्ये सुरू असलेल्या सुरक्षा दलांनी दोन दहशतवाद्यांचा खात्मा केला. तर दुसरीकडे श्रीनगरच्या खानयारमध्ये सुरक्षा दलांनी दोन ते तीन दहशतवाद्यांना घेरले असून येथे अधूनमधून गोळीबार सुरू आहे.
खानयारमधील एक व्हिडिओही समोर आला आहे. या व्हिडिओमध्ये सुरक्षा दल दहशतवाद्यांचा शोध घेत त्यांना घेरताना दिसत आहे. व्हिडिओमध्ये गोळीबार आणि स्फोटांचे आवाजही येत आहेत. खानयारमध्ये 2 ते 3 दहशतवाद्यांना सुरक्षा दलांनी घेरले असल्याचे सांगण्यात येत आहे. परिसरात पोलीस आणि सीआरपीएफची संयुक्त कारवाई सुरू आहे.
गेल्या काही दिवसांपासून जम्मू-काश्मीरमध्ये दहशतवादी कारवायांमध्ये वाढ झाली आहे. यामुळे सुरक्षा दल आणि दहशतवाद्यांमध्ये सतत चकमकी होत आहेत. दहशतवाद्यांकडून अनेकदा घुसखोरीचा प्रयत्नही करण्यात आला.
