महाविकास आघाडीतील कॉंग्रेसने विधानसभा निवडणुकीसाठी आपली चौथी उमेदवार यादी आज जाहीर केली. विशेष म्हणजे काँग्रेसने यापूर्वी जाहीर केलेल्या अंधेरी पश्चिम आणि छत्रपती संभाजीनगर पूर्व मतदारसंघातील आपले उमेदवार बदलले आहेत.
काँग्रेसच्या तिसऱया यादीमध्ये अंधेरी पश्चिम मतदारसंघात सचिन सावंत यांना उमेदवारी देण्यात आली होती. परंतु त्यांनी अंधेरी पश्चिममधून लढण्यास नकार देत वांद्रे पूर्व मतदारसंघ मागितल्याने त्यांच्या जागी आता अशोक जाधव यांना उमेदवारी देण्यात आली आहे. छत्रपती संभाजीनगर पूर्व मतदारसंघात मधुकर देशमुख यांना उमेदवारी देण्यात आली होती. ती बदलून त्यांच्या जागी लहू शेवाळे यांचे नाव उमेदवार म्हणून जाहीर करण्यात आले आहे. काँग्रेसने आत्तापर्यंत 99 जागांवर उमेदवार घोषित केले आहेत.
यादी पुढीलप्रमाणे ः अमळनेर- डॉ.अनिल शिंदे, उमरेड – संजय नारायणराव मेश्राम (अनुसूचित जाती), आरमोरी – रामदास मसराम (एसटी), चंद्रपूर – प्रवीण नानाजी पाडवेकर (अनुसूचित जाती), बल्लारपूर – संतोषसिंग चंदनसिंग रावत, वरोरा – प्रवीण सुरेश काकडे, नांदेड उत्तर- अब्दुल सत्तार अब्दुल गफूर, औरंगाबाद पूर्व- लहू एच. शेवाळे, नालासोपारा – संदीप पांडे , अंधेरी पश्चिम- अशोक जाधव, शिवाजीनगर- दत्तात्रय बहिरट, पुणे कॅन्टोन्मेंट – रमेश आनंदराव भागवे (अनुसूचित जाती), पंढरपूर- भगीरथ भालके
